Kirish
So'nggi yangilanish: 17.08.2018

Kayfiyatingiz rasvo bo’ldimi, bunday vaziyatda nima qilish kerak?

Emotsiya his-tuyg’uga beriluvchan insonlarni hayotimizda ko’plab uchratamiz. Buning hech yomon tomoni yo’q, agar bu atrofdagilar bilan munosabatni buzmasa.

Demak, emotsiya his-tuyg’ularimizni qanday qilib boshqarishni o’rganamiz. Asosiy qoida: vaziyatni o’zgartirolmasangiz, unga bo’lgan munosabatingizni o’zgartiring.

Kayfiyat rasvo paytda, hamma joyni ostun-ustun qilishdan oldin ushbu tavsiyalarni bajarishga urunib ko’ring:

1. Asabiylashishni boshlayotganingizni faxmlashingiz bilan, chuqur nafas olib, oyoq va qo’l mushaklaringizni taranglashitiring, so’ng tezda nafasingizni chiqarib yuboring va bo’shashib tinchlaning. Ushbu mashqni 3 marta takrorlang.

2. Ko’zlaringizni yuming va bir oz bo’lsada shu holatda o’tiring. O’sha damda hayolingizga yomon fikrlar keltirmaslikka xarakat qilsangiz, yanada yaxshi bo’lar edi (agar yomon hayollar kelaversa, unda diqqatingizni pozitiv va sokinroq narsalarga qaratishga urunib ko’ring).

3. Jaxlingiz chiqgan payt ko’zgu qarshisiga kelib yuzingiz holatiga qarang, jaxl qilishga bo’lgan ishtiyoqingiz tezda so’nadi.

Muvozanatli insonlar eshiklarni qarsillatmaydi, idishlarni sindirmaydi. Ular ohirigacha tinglashadi va birovning gapini bo’lmaydi. Gapirishga so’zlari yo’qligidan emas, shunchaki jaxl chiqganda aql ketishini ular juda yaxshi bilishadi.